BIBELVERS Solfrid Leinebø Seljås viser fram ein av kjolane som har Jesu ord til til dei små borna på det hekla beltet.
Tore Hjalmar Sævik
Utstilling av dåpskjolar fører fleire enn faste gudstenestegjengarar til kyrkja
Sokneprest Solfrid Leinebø Seljås erfarer at kristen tru smeltar saman med livshistorier og lokalt handverk.
For tredje året på rad har det denne påska vore utstilling av dåpskjolar i kyrkjestova i Herøy kyrkje på Sunnmøre.
– Vi har fått til eit kjempegodt samarbeid mellom soknerådet og Herøy sanitetsforeining, fortel Seljås til Dagen.
Gjennom påskehøgtida var det utstilling etter kvar gudsteneste, samt på ettermiddagen tysdag i den stille veka. Sanitetskvinnene stilte med vakter og hadde ei samling meir inspirert av Sjømannskyrkja sin profil.
